Superficies de contactu

Ciclu de creación lliteraria a partir del diálogu con artistes del Archivu

La propuesta Superficies de contactu plantega conectar les artes visuales cola lliteratura tomando como base los fondos del Archivu d’Artistes Asturianos/es. Con esta iniciativa, convidarase a un/a escritor/a a afondar nos documentos, les obres y les trayectories de los creadores del Archivu.

¿En qué consiste?

Tres d'esi averamientu, cada participante va escoyer un artista y la so producción como puntu de partida pa ellaborar un trabayu lliterariu propiu, yá seya en formatu de rellatu curtiu, crónica, poesía, ensayu o testu híbridu. Les condiciones contemplen l'accesu prioritariu al Archivu, la oportunidá de caltener entrevistes coles persones implicaes y total llibertá tocante al formatu del testu, afitando namái llendes pa la estensión y la fecha d'entrega.

Arriendes de les visites al Archivu, el percorríu va cuntar con xornaes de consulta y alcuentros d'intercambiu ente participantes pa xenerar nuevos puntos de vista y venceyos ente distintes disciplines. D'esta miente facilítase la visibilidá, el desenvolvimientu artísticu, l'apertura de perspectives y la creación de redes nueves ente creadores de distintos ámbitos.

Resultados

El trabayu va rematar con un actu celebráu nel mesmu Archivu, onde l'escritor o escritora va dar a conocer la so obra y va compartir cómo foi la esperiencia de diálogu col artista escoyíu.

Nuna etapa posterior prevese la opción d'editar una publicación colectiva colos testos resultantes, xunto con una riestra d'imáxenes de les obres o documentos que sirvieron d'inspiración.

Esti volume funcionará como un mediu nuevu pa espublizar y dinamizar l'Archivu, ufiertando otres víes d'accesu a los sos fondos y favoreciendo la reinterpretación contemporánea del patrimoniu artísticu d'Asturies per mediu de la lliteratura.

¿Cuándo?

• ·Primera sesión: 22 de octubre, a las 18:30 h, con Sofía Castañón.

• ·Duración aproximada de la actividad: 1 horas

• ·Pulsa aquí para inscribirte