Cartelos n'asturianu (1976-2005)

Esposición de la coleición de la Fundación Belenos donada al Muséu del Pueblu d'Asturies (AST)

La Fundación Belenos creóse en 1983 cola meta d'estudiar, caltener y dar a conocer la cultura d'Asturies, faciendo fincapié nel patrimoniu célticu y tradicional. Dende entós axuntaron 1983 cartelos (1976-2021) n'asturianu o rellacionaos cola cultura asturiana, venceyaos a la música, les fiestes y nueches celtes, la política, l'ecoloxismu o la reivindicación llingüística nacida na Transición con Conceyu Bable y la conseña ¡Bable nes escueles!, siendo munches d'estes pieces les úniques que se caltienen.

Esta coleición reflexa amás el cartelismu asturianu de la dómina, entemeciendo la estética tradicional, céltica y prehistórica con enclinos contemporáneos al traviés de trabayos fechos por ilustradores, artistes profesionales, dibuxantes aficionaos y militantes.

La muestra recueye una selección de les pieces más antigües apurríes al muséu pola Fundación Belenos en 2023. Pue consultase'l catálogu enteru na rede al traviés de fondos.gijon.es

Exposición de la colección de la Fundación Belenos donada al Muséu del Pueblu d'Asturies (ESP)

Nacida en 1983 para investigar, conservar y divulgar la cultura asturiana y su patrimonio tradicional y céltico, la Fundación Belenos reunió durante más de cuatro décadas 1983 carteles (1972-2021). Este conjunto, clave para entender la reivindicación lingüística surgida en la Transición con Conceyu Bable y el lema ¡Bable nes escueles!, abarca ámbitos como la música, las fiestas y noches celtas, la política, el ecologismo y la promoción del asturiano, conservándose muchas obras solo aquí.

El fondo sirve asimismo para conocer el cartelismo asturiano de esos años, donde coinciden elementos del arte popular, céltico y prehistórico con propuestas contemporáneas creadas por profesionales de la ilustración, artistas, dibujantes aficionados y activistas.

En la muestra se exhibe una selección con los carteles de mayor antigüedad donados por la Fundación Belenos en 2023. La totalidad del catálogo está disponible para consulta en fondos.gijon.es