Llamando a Conceyu

El Grupu de baille San Felix de Candás propón con "Llamando a conceyu" anovar la xunión ente música y baille tradicional por aciu d'una propuesta distinta de pasucáis qu'amiesta la pallabra y s'avera al teatru de cai. Al traviés de la música y el baille refléxense los suaños, alcordances y pallabres d'una persona.

La parte musical abarca distintos estilos basaos nel tueru tradicional, mientres que'l baille mira a la tradición col envís de tresmitir muncho más.

El testu fai referencia a los conceyos abiertos, fundamentales na organización tradicional de los pueblos y presentes tovía en delles zones d'Asturies. Trátase d'un discursu vivu y cambiante qu'adauta'l so conteníu según el sitiu au s'amuese, conectando nesta ocasión cola hestoria, la cultura y la realidá de Xixón.

Idea Orixinal: Xurde Fernández

Música: Javier Tejedor

Actuación: Raquel Prendes

Precio: 0

Plazas: 50

Inscripciones a partir del 7 d'ochobre

Entamu del percorríu: Plaza'l Marqués

Organiza: Oficina de Normalización Llingüística de Xixón