La Tía Miseria

Avisu a tol públicu: yá tán equí los cómicos, trayendo a costazu bayura d'hestories, dichos y músiques populares pa tresformalos en teatru sobre les tables.

Tomando como puntu de partida a La Tía Miseria, va facese un percorríu circular que xune pasáu y futuru, mocedá, edá madura, la muerte y el poder, nuna amiestura prestosa.

El públicu va poder comprobar cómo la Tía Miseria llegó a causar la crisis más grande de la hestoria humana.

Un espectáculu abiertu a toles edaes que recueye música, cantares, baille, cosadielles, saber popular, crítica social, preseos tradicionales, humor y tradición oral.

Direición: Miguel Cubero

Autoría: Carlos Alba “Cellero”

Interpretación:

Carmen Gloria García: Tía Miseria

Carla Loga: Nena/muerte/executiva

Carlos Alba: nenu/pelegrín/cura

Organiza: Oficina de Normalización Llingüística de Xixón