Al verde d'El Cierru

Alcuentru alredor de la obra Al verde d’El Cierru, d’Iris Díaz Trancho

El Xardín Botánicu acueye esti ensayu estremáu col premiu Máximo Fuertes Acevedo, un testu venceyáu cola botánica y el contautu humanu con ella. La obra percuerre les estaciones y les variedaes de plantes a lo llargo de doce capítulos dedicaos a caún de los meses, dende l'ámbitu personal y familiar de la finca «El Cierru».

Nesti actu, l'autora va falar d'estos asuntos col biólogu y conservador del botánicu Luis Cardón, con quien tamién se fadrá, si les condiciones lo dexen, un percorríu lliterariu pel recintu.

Organiza: Oficina de Normalización Llingüística de Xixón